Қасиетті жұмада Желтоқсан көтерілісінің құрбандарына арналған құранды Орал орталық мешітінің наиб имамы Асхат Асылбекұлы оқып, ҚМДБ-ның БҚО бойынша бас имамы Бақытжан Сабралиев хатым дұғасын жасады.
Бас имам «Тәуелсіздік» мерекесінің мән-маңызына тоқталып, Желтоқсан көтерілісіне қатысқан, қадірлі қонақтарымыз Қаныбек Бақтыгерейұлы, Шоқан Машанов, Күнзила Мақсотованы таныстырды.
Ақ дастархан басында Орал орталық мешітінің ұстазы Талғат Искалиев «Бірлік, ынтымақ» жайында уағыз айтып, көпшілік қауымды бірлік пен ынтымақта өмір сүруге, отаншылдыққа, елді сүюге шақырды.
Желтоқсан көтерілісіне қатысқан Шоқан Машанов сөз алып, облыстың бас имамына ризашылығын білдіріп, жұмысына береке тіледі.
Шара соңында Бақытжан Құралбайұлы облыстық «Ақжайық» телеарнасына сұхбат берді.
ҚМДБ-ның БҚО бойынша өкілдігінің баспасөз қызметі
