Ақпарат және қоғамдық даму министрлігі белгілі қаламгер, еліміздің көрнекті жазушысы, “Отан” орденінің, КСРО Мемлекеттік сыйлығының иегері – Әбдіжәміл Кәрімұлы Нұрпейісовтың қайтыс болуына байланысты марқұмның отбасы мен жақындарының қайғыларына ортақтасып көңіл айтады.
Бүкіл саналы ғұмырын ұлт руханияты жолына арнаған Әбдіжәміл Нұрпейісов дарынды қабілетімен, қарымды қаламгерлік қырымен қазақ әдебиетіне мол рухани мұра қосып, артына мазмұны тозбас мәңгі көркем шығармашылық дүниелер қалдырды.
Ағамыздың азаматтық болмысы, жарқын бейнесі, ел тәуелсіздігі жолында атқарған еселі еңбегі қатары көп қалың оқырмандарының есінде мәңгілік сақталатын болады. Марқұмның жатқан жері жарық, топырағы торқа болып, нұры пейіште шалқысын.
Бүгін «Qazaqstan» (16:35-те) және «Abai tv» (14.30, 19.30) телеарналарынан жазушының көзі тірісінде жазылып алынған «Тұлға» хабары көрсетіледі.
