TAUNEWS тілшісі – байқау жеңімпазы

Алматыда журналистер арасында діннің өзекті мәселелері бойынша үздік материалдар байқауының жеңімпаздары марапатталды. 

«Kazzhol Park Almaty» қонақ үйіндегі «Ембі» залында жеңімпаздарды марапаттаудың салтанатты рәсімі өтті.

Байқауға Алматы қаласында жұмыс істейтін жергілікті және республикалық БАҚ журналистері, сарапшы-ғалымдар, тәуелсіз публицистер мен блогерлер қатысты. Ұсынылған жұмыстар діни заңнама нормаларын түсіндіру, конфессияаралық келісім мен толеранттылық, деструктивті ағымдардың әсер ету қаупі, діни экстремизм мен терроризмнің алдын алу және оған қарсы күрес сияқты өзекті мәселелерді қамтиды.

Әділқазылар құрамына Алматы қаласы Дін істері жөніндегі басқармасы басшысының орынбасары Ерғали Көшеке, Алматы қаласы «Дін мәселелерін зерттеу орталығы» КММ директоры Дулат Ибрагимов, әл-Фараби атындағы ҚазҰУ дінтану және мәдениеттану кафедрасының профессоры, фило.ғ.д. Нағима Байтенова, «Social Development Center» қоғамдық қорының атқарушы директоры Біржан Қазтұрғанов және журналист, радио жүргізушісі, редактор, продюсер Жандос Есеналиев кірді.

Қыш өнеріне арналған халықаралық жәрмеңке өтеді

28.10.2026

Бейжіңде тоғызқұмалақтан шеберлік сабағы мен турнир өтті

27.10.2026

Ұсынылған 195 жұмыстың ішінен 8 үздік жұмыс таңдап алынды.

Жеңімпаздар:

1. «Ең үздік телевизия жанры» номинациясы – «Хабар» телеарнасының тілшісі Амантаева Айгүл.
2. «Мерзімді баспасөздегі қазақ тіліндегі ең үздік публицистикалық мақала» номинациясы – «Егемен Қазақстан» республикалық газетінің журналисі Базаров Жолдыбай.
3. «Мерзімді баспасөздегі орыс тіліндегі ең үздік публицистикалық мақала» номинациясы – «Қазақ үні» аймақтық газетінің журналисі Елдес Дастан.
4. «Интернет-ресурстағы қазақ тіліндегі ең үздік мақала» номинациясы – Azattyq Rýhy ақпараттық агенттігінің журналисі Каленова Эльмира.
5. «Интернет-ресурстағы орыс тіліндегі ең үздік мақала» номинациясы – Qmonitor желілік басылым шолушысы Исабаева Сәуле.
6. «Интернет желісіндегі ең үздік бейнеролик» номинациясы – TAUNEWS жаңалықтар порталының журналисі Сағындықова Шынар.
7. «Ең белсенді блогер» номинациясы – Қасенғалиев Асхат.
8. «Интернет-ресурстағы деструктивті және радикалды діни ұйымдар идеологиясын дискредитациялауға бағытталған қазақ және орыс тілдеріндегі үздік мақала» номинациясы – «Exclusive» шолу-талдау журналының журналисі Абжан Махамбет иеленді.

Сонымен қатар, қатысушыларға 8 ынталандыру сыйлықтары табысталды.

Іс-шараны Алматы қаласы Дін істері жөніндегі басқармасы мен «Social Development Center» қоғамдық қоры ұйымдастырды.