Айтуынша, жолдасының куәлігінде ұлты орыс деп жазылған. Алайда оның бойында орыстың, еврейдің, украиннің, немістің қаны бар болып шықты.
Артем мен Луина отау құрғанда мұсылманша неке қидырды. Мұны байқаған оқырмандар жігіттің діни ұстанымын сұрады.
“Куәлігі бойынша ұлты – орыс. 16 жасында ислам дінін қабылдады. Ол радикал емес, бірақ болашақта намазға тұруы мүмкін деп ойлаймын”, – деп ағынан жарылды ол.
Бұдан өзге, Луина өзін тәрбиелеп өсірген нағашы әжесін көрсетті. Әнші анасы із-түссіз жоғалып кеткеннен кейін, ата-әжесінің қолында өскен.
“Менің әжем Маиза. Ол анамның анасы”, – деп жазды ол.
