Токиода өтіп жатқан Олимпиада ойындарының бокс турнирінде ерекше жағдай орын алды.
69 келіде сынға түскен ирланд боксшысы Эйдан Уолш ширек финалдағы жекпе-жегінде жеңіске жеткен еді. Яғни ол жартылай финалға өтті. Бұл – кемінде қола медаль қалтада деген сөз.
Алайда, боксшы жекпе-жектен кейін қуаныштан аспанға секіремін деп, тобығын қайырып алды. Содан шаршы алаңнан медициналық арбамен қайтуға тура келді.
Оның жарақатын қараған дәрігерлер әрі қарай жарысты жалғастыра алмайтынын мәлімдеді.
Ал оның жартылай финалдағы қарсыласы, британиялық Пэт Маккормак жекпе-жексіз финалға жолдама алды.
Осылайша, Эйдан Уолш жарысты күтпеген жерден аяқтап, Токио олимпиадасының қола жүлдегері атанды. Табан астындағы қателік болмағанда финалға өтуге, тіпті олимпиада чемпионы атануға да мүмкіндігі бар еді…
