Қаза тапқандардың арасында 10 әскери қызметкер мен төрт бейбіт тұрғын бар.
Нигерияның солтүстік-шығысындағы Борно штатында «Боко харам» террористік ұйымының әскери базаға шабуыл жасауы салдарынан 14 адам қаза тапты.
Ұлттық бұқаралық ақпарат құралдарының хабарлауынша, ұйым содырлары Борно штатының Гузамала ауданындағы әскери базаға шабуыл жасаған.
Шабуыл салдарынан 10 әскери қызметкер мен төрт бейбіт тұрғын көз жұмып, көптеген адам жарақат алды.
2000-жылдардың басынан бері Нигерияда әрекет етіп келе жатқан «Боко харам» ұйымы 2009 жылдан бастап жаппай террористік шабуылдар жасап, ондаған мың адамның өмірін қиды.
2015 жылдан бері ұйым Нигериямен көршілес Камерун, Чад және Нигер елдерінде де шабуылдар ұйымдастырып келеді. Чад көлі алабында топтың шабуылдары салдарынан кемінде 2 мың адам қаза тапқан.
Террористік шабуылдар мен қарулы қақтығыстар салдарынан елдің жүздеген мың тұрғыны туған жерін тастап, басқа аймақтарға көшуге мәжбүр болды.
