Отандық фильмдер прокатқа шығарар алдында арнайы сараптамадан өтеді. Премьер-министрдің орынбасары – Мәдениет және ақпарат министрі Аида Балаева тиісті бұйрыққа қол қойды, деп хабарлайды Egemen.kz.
Жаңа талаптар 12 маусымнан бастап күшіне енеді. Ережеге сәйкес, прокат куәлігін алу үшін фильмнің құқық иелері уәкілетті органға кинотеатрға шығатын нұсқасын ұсынуы тиіс.
Сараптама барысында фильм мазмұнында педофилия элементтері, сондай-ақ зорлық-зомбылық пен қатыгездікті дәріптеу белгілері бар-жоғы қаралады.
