Сұрақ: Құрбандық шалу қандай амал?
Жауап: «Құрбандық» сөзі жақындау деген мағынаны береді. Ол өзіндік тарихы бар, сауабы мол амал. Бұл құлшылық Құрбан айт күндері ниет және амалмен орындалатын ерекше амал түрі. Қаражаты жеткілікті, жағдайы барларға міндет.
Ал, қарызданып құрбандық шалуды Ислам құптамайды.
Негізгі құрбандыққа рұқсат етілген мал түрі – қой, ешкі, сиыр, түйе. Қой мен ешкі бір жасар, сиыр екі жасар, түйе бес жасар болуы абзал. Маңыздылығы етті болуында. Халал екен деп, басқа арқар, елік немесе тауық, қораз т.б. сынды құстар мен еті желінетін жануарлар құрбандық ретінде сойылмайды.
Сондай-ақ, құрбандыққа жарамайтын малдарға мән берген дұрыс. Мысалы соқыр, ауру, орнынан қозғала алмайтын ақсақ, өте арық мал, көзі соқыр, құлағы немесе құйрығы жоқ, т.б. құрбандыққа жарамайды.
Сойылған құрбандық малдарынан үштен бірін отбасына алып қалуына болады.
Демек, құрбандық үлкен құлшылық амалы, шынайы істелген құрбандықта Алланың ризашылығы мен сауабы мол екен.
Икрам АЙТАЕВ
