Бір ғалымға өз танысы жайлы бір адам: «Анау танысым зікірді рия қылып тартып жатыр» дейді.
Сөйтсе, шейх: «Сенде ол да жоқ қой… Ол адам зікірді рия қылып тартып жүріп, бір күні сол риядан да тазарады. Осылайша, Алла алдында тартқан таспихтарының сауабын алады», деп жауап беріпті.
Сол сияқты біз де бала-шағамызды хадиске сәйкес жеті жасынан намазға тәрбиелейміз. Ал, сол жаста бала намазды тәртіппен де, ықыласпен оқуды да білмейді. Одан соң он жасында намазды үлкен талаппен үйретеміз. Содан кейін балаға намаз әдет болып, кейін ықылас та пайда болғанын көреміз.
Алла баршамызды әрбір амалымызды риясыз жасауға жазсын!
Қуат ҚАБДОЛДА
