Астана қаласындағы Достық үйінде Қазақстан халқы Ассамблеясының Ғылыми-сарапшылық кеңесінің отырысы өтті. Жиын барысында қатысушылар жаңа Конституция жобасын және оның қоғамдық бірлікті нығайту мен этносаралық, конфессияаралық келісімді қамтамасыз етуге бағытталған негізгі қағидаттарын талқылады.
Сарапшылар жүргізіліп жатқан конституциялық реформалардың ерекше тарихи маңызын атап өтіп, олардың мемлекет пен қоғам арасындағы тұрақты диалогты дамытуда қоғамдық институттардың рөлін арттыруға бағытталғанын жеткізді.
Отырыс қорытындысы бойынша Ғылыми-сарапшылық кеңес мүшелері жүргізіліп жатқан реформаларды қолдау жөнінде үндеу жасап, жаңа Конституцияны қабылдау қажеттігін ерекше атап өтті.
