Сұрақ: Адамға зұлымдық қылудың күнәсі қаншалықты ауыр?
Жауап: Дәстүрлі Исламда адам өмірі құрметті саналады. Адамның діні, өмірі, ақылы, ар-намысы, мал-дүниесі аса құнды. Ислам адамның өміріне қол сұғудан, зиян тигізуден қайтарған. Өмір нығметін қадірлеп, өзгенің өмірін қадірлеу – саналы адамның ісі.
Қазіргі таңда қоғамда адам өміріне қол жұмсау, зұлымдық ету жиі кездесіп жатады. Бұл әрекеттер адамдық қасиеттерден арылу болып саналады. Мұндай әрекеттерге рухани тәрбиенің болмауы, харам нәрселердің артуы, т.б. мәселелер себеп. Керісінше адамға өмір сыйлау, құрметтеу басты дүние болуы қажет. Адамға зұлымдық ету, зиян тигізу – Құран аяттары мен хадистерде жағымсыз құпталмаған амалдардан.
«Мәида» сүресінің 32-аятында: «Кімде-кім кісі өлтірмеген немесе жер бетінде бұзақылық жасамаған жазықсыз адамды өлтірсе, күллі адамзаттың қанын төккендей болады. Сондай-ақ, кім бір адамды өлім аузынан аман алып қалса, бүкіл адамзатты өлімнен құтқарғандай болады» деген.
Икрам АЙТАЕВ
