Сұрақ: Дінаралық татулықтың маңызы неде?
Жауап: Қазақстан Республикасы – көпконфессиялы мемлекет. Мемлекеттің негізгі ұстанымы – ұлтаралық, дінаралық қақтығыстарды болдырмау. Діни татулық жекелеген мемлекеттер үшін ғана емес, жалпы әлем тыныштығы үшін де қажет.
Дәстүрлі діндер – қоғамның тұрақтылығын сақтаушы фактор. Ал діни экстремизм, радикализм ғасырлар бойы қалыптасқан халықтың рухани-мәдени өмірін, ұлттық салт-дәстүрін, әдет-ғұрпы мен адамгершілік-моральдық құндылықтарын құрдымға жіберіп жоқ ететін дін атын жамылған, радикалды идеология.
Қазіргі таңда жат жерде жүріп, әлеуметтік желілерде дінараздық алауыздық қоздыруға, елдің діни тұрақтылығына нұқсан келтіру мақсатында түрлі діни уағыздардың айтылып жатқаны жасырын емес. Көзсіз жалған діни уағыздарға еліктеудің түбі дінараздық алауыздыққа соқтырады. Діни ақпарат қолжетімді екен деп, сараламай алуға болмайды. Елдің діни тұрақтылығына шақыратын дәстүрлі дінге жүгіну – заман талабы.
Икрам АЙТАЕВ
