Сұрақ: Құранды қандай уақыттарда оқуға болады?
Жауап: Құрани Кәрімді оқуда, тыңдауда сауап бар. Адам Құран аяттарын оқыған, тыңдаған сайын жүрегі тынышталады. Құранды жеке намазда, рамазан сынды қасиетті айларында, аптаның белгілі күндерінде, түнгі бос уақыттарда оқу абзалырақ.
Құранды оқу кезінде сақталуға тиіс тәртіптерін білу аздық етпейді. Мысалы, Құранды дәретсіз ұстау мен оқу дұрыс емес. Дәрет алып тазалық сақтап, Құранды оқу абзал. Хайыз бен нифас уақыттарында болмайды. Құранды пайдаланған кезде жоғары ұстап оған құрметпен қарау керек. Дәретхана сынды нәжіс, лас жерлерде оқуға болмайды. Таң атқан уақыт пен кеш батқанда оқу абзал емес. Жұмыс істеп жатқанда Құран оқып отыру әдепке сай емес. Себебі жұмыс істегенде адамның көңілі басқа жақта болады. Бұл уақыттарда көңілді бөлмей жұмысты жауапкершілікпен істеген абзал.
Негізгі Исламның талабы – Құранды оқу барысында әрдайым тазалық сақтау, арнайы уақыттар мен жағдайларда оқу. Пайғамбарымыз (с.а.у.) хадисінде: «Кімде-кім Құранды оқыса, оған әрбір әрпі үшін сауап беріледі. Әрбір әрпі үшін он сауап беріледі» деген.
Икрам АЙТАЕВ
