«Нұр Мүбарак» университетіне қалай түсуге болады?

Сұрақ: Мен Ресей азаматымын. «Нұр Мүбарак» университетіне түсе аламын ба?

Жауап: Елімізде онға жуық жоғару оқу орындары «Тарих және дінтану», «Философия және дінтану», «Теология», «Исламтану» мамандықтары бойынша кадр дайындайды. Алматы қаласында орналасқан «Нұр-Мүбарак» Египет Ислам мәдениеті университеті – өзіндік орны бар жоғары оқу орны. Аталған оқу орнында мемлекеттік грант және ақылы түрде «Исламтану», «Дінтану», «Теология», «Аударма ісі», «Шетел филологиясы» мамандықтарын дайындайды. Жалпы оқу орнынан кейін төрт жыл, медресе-колледжден кейін үш жыл, жоғары оқу орнынан кейін екі жылдық мерзімде білім алуға болады.

Қазақстан азаматтары «Дінтану», «Теология», «Исламтану» мамандықтарына шығармашылық емтихан арқылы түседі. Ал, «Аударма ісі», «Шетел филологиясы» мамандықтарына ҰБТ арқылы түседі. Шетел азаматтары сұқбат арқылы келісімшарт негізінде қабылданады.

Қосымша жатақхана қарастырылған. Оқуға қабылдау мерзімі жыл сайын маусым-шілде айлары аралығында жүргізіледі.