Сұрақ: Дін жолында дүниесін жұмсау дегенді қалай түсінеміз?
Жауап: Дін жолында орнымен малын жұмсау – сауапты амалдардан. Бұл амалды садақа, уақып сынды сөздерімен қолданылады. Оның орындалуында белгілі бір шарттары бар. Адал табыстан болуы, шынайы ниетпен жасалуы, шамасынан тыс болмауы, отбасының қажеттілігін ескеріп жасалуы қажет.
Елімізде ҚМДБ тарапынан өз деңгейінде қайырымдылық жұмыстарын жасап келеді. Алланың ризашылығы үшін мал сарп ету жайлы аят-хадистерде кең баяндалған.
«Сәбә» сүресінің -39 аятында: «Сендер игілік жолында не сарп етсеңдер де, Алла оның орнын толтырады. Ол ризық берушілердің ең қайырлысы» деген.
Ал, дін жолында дүние жұмсауда радикалды діни топтардың ұсынған ақпараттарынан сақ болғанымыз абзал. Әлеуметтік желілерде түрлі бейнелермен «жиһад»-ты ұрандатып жүрген немесе басқа да мақсатты көздейтін жалған уағызшылар кездеседі. Мұндай жалған уағызшылардың әрекеттері дәстүрлі Исламда құпталмаған және қылмыстық жауапкершілік қаралған амалдар екенін есте сақтағанымыз абзал.
Икрам АЙТАЕВ
