Сұрақ: Алла разылығы үшін деп ақша жинау дұрыс па?
Жауап: Исламда садақа, қайырымдылық, мешіт салу, мұқтаж адамдарға көмектесу, жетімдерге көмектесу, т.б. сауабы мол істер үшін ақша жинау – құптарлық іс. Мұндай қайырымдылық шаралар ерікті түрде жүргізілуге тиіс.
Дегенмен, қазіргі таңда түрлі жалған бейне-фотолармен Алланың атын айтып қайырымдылықпен айланысамын деп, халықтың сеніміне кіріп нәтижесінде жеке мүддесі үшін жүрген алаяқтар бар. Мұндай ниеті бұзық жандардан сақ болғанымыз абзал. Қайырымдылықпен айланысатын мақсаты анық, сенімді мешіттердің қайырымдылық орталықтары, басқада рұқсаты бар мекемелер бар. Олар қайырымдылық іс-шарасын айқын және анық істейді.
Игі шараға үлесіңізді қосамын десеңіз мынадай мән-жайларға назар аударғанымыз дұрыс: ақша дұрыс жерге жұмсалуына көз жеткізіңіз, ақшаның не үшін жиналып жатқаны анық болуы керек, ақша жинау ісін сенімді адам немесе белгілі рұқсаты бар ұйым жүргізуге тиіс, қайырымдылық шарасы мәжбүрлеп жүргізілмеуі керек.
Демек, Алланың разылығы үшін ақша жинуға болады, бірақ ниеті таза, мақсаты адал, жұмсалатын орны нақты, аманатты адам екеніне көз жеткізу керек екендігін ұмытпайық.
Икрам АЙТАЕВ
