Бір патша халқының ішінде ауыр қылмыс жасаған үш адамды өлім жазасына кеспек болады. Сол кезде бір әйел келіп:
«Иә, патша ағзам! Мейіріміңізді төгіп, бір қасық қанын кешіп, мына адамдарды жазаламай, босатыңызшы» деп өтінеді.
Сонда патша:
«Бұл адамдар саған кім болады?» деп сұрайды.
Әлгі әйел:
«Біреуі ерім, біреуі балам, біреуі інім» дейді.
Сол сәтте патша:
«Дат айтып сұрап келгенің үшін, тек біреуін ғана кешіремін, біреуін ғана таңдай аласың»дейді.
Сол кезде әйел тарихта алтын әріптермен жазылатын мына сөздерді айтыпты:
«Күйеу табылады, бала туылады, бірақ бауыр табылмайды. Інімді таңдаймын» деп айтқан екен.
Алла Тағала әрдайым бізге жанашыр болған, бірге туған апа-қарындастарымызға разы болсын!
Қуат ҚАБДОЛДА
