Сұрақ: Ер кісі отбасы үшін жауапты ма?
Жауап: Дәстүрлі Ислам әр отбасы мүшесінің міндеттерін нақтылап берген. Ер азаматтың отбасында өзіндік жауапкершілігі мен міндеттері бар. Қазіргі қоғамда кейбір азаматтар жауапсыздық танытып, отбасында міндеттелген іске салғырт қарап, жүктелген міндетті дұрыс орындамай түрлі келеңсіз жағдайларға кез болып жатыр. Ондай адам отбасы мен қоғам алдында абыройға ие бола алмайды.
Қиыншылық деп рухани құлдырау дұрыс емес, сабырлық танытып, жауапкершілікті сезініп мақсатқа ұмтылған абзал. Дер кезінде дұрыс шешім қабылдамаса, түбінде бала-шағаның дұрыс өмір сүруіне кедергі болады. Кедергілерден құтылып, жақсылыққа ұмтылу – қайырлы іс.
Пайғамбарымыз (с.а.у.) хадисінде: «Әрбір адам бағушы әрі қол астындағыларға жауапты. Мемлекет басшысы да қол астындағыларға жауапты. Ер адам отбасы үшін жауапты. Соларға жауап береді. Әйел күйеуінің үйіне жауапты. Сол үшін жауап береді. Қызметші қожайынының малына жауапты. Қолына табысталғандарға жауап береді. Әрбірің бағушысыңдар әрі қарамағындағыларыңа жауап бересіңдер» деген.
Икрам АЙТАЕВ
