Сұрақ: Жұма намазының сүннеттерін қанша рәкағат оқиды?
Жауап: Исламда жұма намазының парыздығы Құран аяттары мен хадистер негізінде бекітілген. Ол әйелдерге парыз емес.
Жұма намазы – құтпасымен он рәкағат намаз. Екі рәкағат жұма намазының алды мен соңында төрт рәкағаттан сүннет намаз оқылады. Соңында имамның дұғасымен аяқталады.
Себепсіз сүннетерін толық оқымай шығып кету, өзге намазхандардың діни құлшылығына кері әсер ету дәстүрлі Исламның талаптарына сай келмейді. Мұндай әрекеттер мәзһаб ұстанбайтын азаматтарға тән дүние.
Сахаба Әлиден (р.а): «Алла елшісі (с.а.у.) жұманың алдында және соңында төрт рәкағаттан намаз оқитын еді» деген риуаят бар. Мұндай мазмұндағы басқа да хадистер көптеп кездеседі.
Жұма намазын оқу кімге парыздығы жайлы мына хадисте қосымша баяндалған: Пайғамбарымыз (с.а.у) хадисінде: «Аллаға және ақырет күніне сенгендерге жұма намазы парыз. Бірақ жолаушы, бала, әйел және науқастар бұдан тыс» деген.
Икрам АЙТАЕВ
