Сұрақ: «Күнә» сөзінің мағынасы қандай?
Жауап: Арабтың «зәнб», «маъсия» деген сөздерінің мағынасынан «күнә» сөзі шығады. «Күнә» сөзінің ұғымы діни тұрғыдан – дұрыс емес, қайтарылған амалдар. Сондай-ақ қолданыстағы басқа да теріс қылықтар дегенге де саяды.
Күнәға апаратын іс-әрекеттер – Алланың тыйым салған харам амалдары. Яғни, пенде күнә амалдарын істемей жүрсе сауап алады, істейтін болса күнәһар болады.
Ислам діні үлкен және кіші күнәлардың аражігін бөліп оның салдарын ескертіп, сақтануға шақырады. Сауапты амалдарда Алланың берекесі мен ризалығы бар. Күнә істерде Алланың ризалығы болмайды. Күнәға батқан адам қателігін түсініп, өкініш білдіруі – қайырлы іс.
Пайғамбармыз (с.а.у.) хадисінде: «Сауапты іс адамның жүзіне сәуле, жүрегіне нұр, ризығын арттырып, денесіне күш-қуат береді және көңілінде оған деген ықыласты оятады. Ал күнә адам жүзін түнертіп, жүрегін қарайтып, ризығын кемітіп, денесін әлсіретіп және адам көңіліне оған деген ашуды пайда етеді» деген.
Сауапты амалдарымызды арттырып, жақсылыққа бет бұрайық.
Икрам АЙТАЕВ
