Павлодар қалалық «Ғазиз» мешітінің ұйымдастыруымен «Дін мен дәстүр» жобасы бойынша дін қызметкерлері арасында садақ ату ұлттық ойнынан жарыс өтті.
Жарыстың негізгі мақсаты – дін қызметкерлері арасынан үздік ойыншыны шығару, ұлттық ойынды жандандыру. Сондықтан да жарысқа міндетті түрде ұлттық киіммен қатысу талабы қойылып, үздік ұлттық киім көрсеткіші де сарапқа түсті.
Жарысқа әрбір аудан және қала мешіттерінен дін қызметкерлері қатысты. Жарыс қызықты да тартымды өтті, қатысушылар аса белсенді болды.
Соңында үздік үш орындарға кубок, ақшалай сыйлықтар табысталды.
1-орынды қалалық «Ақмешіт» мешітінің өкілі Амралинов Ержан Рашидұлы, 2-орынды Ақтоғай ауданы мешіттерінің өкілі Қапалбай Азамат Қайратұлы, 3-орынды Павлодар ауданына қарасты мешіттерінің өкілі Ален Бауыржан иеленіп жарыс кубогы және ақшалай 100 мың, 70 мың, 50 мың теңге көлемінде сыйлықтарды қанжығасына байлады.
Ал ең үздік ұлтық киім көрсеткіші бойынша Павлодар ауданының қатысушысы Айтмағамбетов Саят Күсенұлы танылып, алғыс хат, 30 мың теңгемен марапатталды.
