Сұрақ: Қайғы-қасірет келгенде Құдайға мінәжат ететін дұға бар ма?
Жауап: Алла Тағала пендесін сынау үшін түрлі сынақ жібереді. Ол адамның басына бірде қайғы, бірде қуаныш болып келеді. Мұсылман сынақтардан сүрінбей өту үшін қолынан келгенше сабырлы, ұстамды болуға күш салады.
Дегенмен, өмірде адамның басына ауыр сынақ түскенде Құдайдан оны жақсылықпен ауыстыруын сұрауға етуге болады екен. Умму Сәләманың (оған Алла разы болсын) келтірген риуаятына сәйкес, Алланың елшісі (с.ғ.с.) былай деп айтқан: «Егер сендерге қандай да бір қайғы-қасірет келсе: «Біз Аллаға тиесіліміз және Оған қайта ораламыз. Уа, Алла! Басыма түскен қасіреттің кетуін Сенен күтемін. Маған мұның орнына қайырлысын беріп, сый нәсіп ете гөр!» десін» (Әбу Дәуіт, Мүслім).
Жалғас САНДЫБАЕВ
