Пәкістан президенті доктор Ариф Алви Мәдина қаласындағы Пайғамбар мешітіне бас сұғып, намаз оқыды. Алланың үйінде оны Сауд Арабиясының лауазымды тұлғалары күтіп алды. Ариф бұл елге қажылығын өтеу үшін бүкіл отбасымен бірге өткен аптада келген болатын.
Сондай-ақ биыл Бангладеш президенті Мұхаммед Шахабудин де қажылық парызын өтеді. Ол бұл сапарында мемлекеттік істерін де ұмытпай, Саудия ханзадасы Мұхаммед бин Салманмен кездесу өткізді.
Жексенбі күні Алви мен Шахабудин елдеріне қайтты. Олар биыл қажылығын өтеген 1,8 млн адамның бірі болды.
