Исламда өзіңнен жасы үлкен қызға үйленудің ешқандай әбестігі жоқ, шариғат бұған рұқсат етеді, дейді дағыстандық дін тарихшысы Мұхаммед Алимчулов.
Бұны пайғамбарымыз Мұхаммед (с.ғ.с.) өзінің өмірімен дәлелдеп кеткен. Оның алғашқы үйленген әйелі – Хадиша анамыз (р.а.) өзінен 15 жасқа үлкен еді.
Деректерге қарағанда, олар үйленгенде Алла Елшісі (с.ғ.с.) 25 жаста, ал Хадиша анамыз (р.а.) 40 жаста болатын.
Қазақ «Махаббат жасқа қарамайды» дейді. Неке үшін ең бастысы – екі адамның жасы емес, арадағы сүйіспеншілік пен сыйластық.
Дегенмен, қазіргі таңда ер адам өзінен кіші немесе құрдас қызға үйленуі керек деген түсінік қалыптасқан. Сондықтан егер қыз жігіттен 10-15 жас үлкен болса, ол қоғамда түрлі түсініспеушіліктер туғызып жататыны рас.
