Күндердің күнінде шәкірт ұстазынан сұрапты:
– Ұстаз, егер Рамазан айында шайтандар кісенделетіні рас болса, онда неге адамдар арасында күнә жасау әрекеті толастамайды? Сонда ұстазы байсалдылықпен:
– Расында адам баласы өзі істеген көптеген қателіктерін, күнәлі істерін шайтанға жауып жібере салғысы келеді. Рамазанда шайтандардың кісенделуіндегі бір хикмет ол Аллаһ Тағала адамдарға барлық мәселе шайтанда еместігін көрсету болып табылады. Көп нәрсе адамның өзіне байланысты. Бұл қасиетті айда шайтандар кісенделіп адамның шынайы бейнесі ашылады. Жындардың арасында шайтаны бар секілді адамдардың да арасында шайтандары, яғни, күнә жасауға бейімділері болады. Сондықтан егер әркім өзінің шынайы бейнесін білгісі келсе, Рамазан айында оған мүмкіндік туады. Себебі, ол уақытта жасалған күнәлар шайтаннан емес, адамның өзіндік жан-дүниесінен шығады, – деп жауап берген екен.
Жалғас АСХАТҰЛЫ,
дінтанушы
