Сұрақ: Сәресін ішпей ораза ұстауға бола ма?
Жауап: Егер сәресіне кешігіп, іше алмай қалған жағдайда тамақ ішпестен сол күннің оразасына ниет қылуға болады. Алайда ораза күндері белгіленген уақытқа құрылған кесте бойынша сәресін ішуге, ұйқыны қиып уақытылы ауыз бекітуге дағдылану керек. Пайғамбарымыз (с.ғ.с.): «Сәресін ішіңіздер, өйткені сәресінде береке бар», – деген (Бұхари және Мүслим).
Сәресінде адам шама-шарқына қарай тамақтанып оразасын тек Алла разылығы үшін тұтып сабыр етсе, оразаны баға жетпес ғибадат деп білсе, тұтқан оразасы жеңіл болады.
Жалғас САДУАХАСҰЛЫ
