Операция өткен түні Хиран өңірінде халықаралық серіктестермен үйлестіріле жүргізілген.
Сомали армиясы Хиран өңірінде әуе қолдауының көмегімен жүргізілген операция барысында «Әш-Шабаб» террористік ұйымының 25 содырының көзі жойылғанын мәлімдеді. Бұл туралы Сомали Қорғаныс министрлігі хабарлады.
Министрліктің мәліметінше, операция өткен түні халықаралық серіктестермен бірлесіп ұйымдастырылған.
Ведомствоның хабарлауынша, операция кезінде 25 содырдың көзі жойылып, тағы 18-і жараланған. Сонымен қатар топ құрамындағы бытыраңқы жасақтардың төрт мүшесі ерікті түрде Сомали ұлттық армиясына берілген.
2006 жылы Сомалиде құрылған «Әш-Шабаб» террористік ұйымы ұзақ жылдар бойы елдің үкіметтік күштері мен халықаралық бітімгерлік контингентке қарсы шабуылдар жасап келеді.
2022 жылдан бері Сомали қауіпсіздік күштері жергілікті жасақтар мен халықаралық серіктестердің қолдауымен елдің орталық және оңтүстік өңірлерінде аталған топқа қарсы ауқымды операциялар жүргізіп келеді.
