Сұрақ: Дінді дұрыс түсінбесең, салдары не болмақ?
Жауап: Діннің мақсаты – қоғамдағы тұрақтылық пен адалдық, мейірімділік сынды адамгершілік құндылықтарды қалыптастыру. Ал, асыра діншілдікке бой алдырудың себебі дінде емес, адамның дінді дұрыс пайымдамауында.
Дінді бейресми деректерден үйренудің салдары қоғам мен жеке тұлға үшін үлкен қаупі бар. Дұрыс дереккөздерге жүгінбеудің нәтижесінде адамдар арасында діни алауыздық жігі туындайды, деструктивті діни топтардың арбауына түсу қаупі артады, салт-дәстүр мен дінді шатастырып қоғамда ұлттық құндылықтарға «бидғат», «ширк» деп қарсы шығу орын алуы артады, өмірлік мақсат пен моральдық бағдардан жаңылып рухани адасуға бой алдырады, басқа діни көзқарастағы жандарды қабылдай алмай агрессияға бой алдырады, шектен тыс шариғи қатаң талаптарымен психологиялық күйзеліске түсіп, оқшауланады, т.б.
Дінді дұрыс түсінбеудің салдары елдің діни тұрақтылығына нұқсан келдіреді. «Хужурат» сүресінің 6-аятында: «Уа, иман келтіргендер! Егер сендерге әлдебір күнәһар адам қандай да бір хабар жеткізсе, оның анық-қанығын анықтап біліп алыңдар. Әйтпесе, білместікпен әлдебір қауымның обалына қалып, артынан істеген істеріңе өкініп жүрерсіңдер» деген.
Демек, жылтыраған діни ақпараттарға еліктемей, ҚМДБ ұсынға дұрыс дереккөздеріне жүгіну адасушылықтан сақтайды екен.
Икрам АЙТАЕВ
