«Нұр-Мүбарак» Египет ислам мәдениеті университетінде деструктивті және радикалды діни идеологияны ұстанушыларды радикалды көзқарастан арылту және оңалту саласындағы мамандардың біліктілігін арттыруға бағытталған курс басталды.
Аталмыш курсқа еліміздің барлық өңірлерінен 80-ге таяу салада қызмет жасап жүрген маман қатысуда. Екі апта өтетін курсқа лекторлар (спикерлер) ретінде университеттің жоғары білікті әрі тәжірибелі оқытушылары мен салада қызмет етіп жүрген практик мамандар тартылып, тыңдаушыларды деструктивті діни ағымдардың ықпалына түскен азаматтармен жұмыс жүргізудің заманауи әдістерімен таныстыруда. Сондай-ақ еліміздегі оңалту, бейімдеу және профилактикалық жұмыстардың өзекті мәселелері жөнінде де сөз қозғалатын болады.
Оқу курсы 22 маусым күні аяқталып, қорытынды тестлеуден сәтті өткен қатысушыларға арнайы сертификаттар табысталады.
