Сұрақ: Исламдағы аманат түсінігі қандай?
Жауап: Исламда аманат ұғымының ауқымы үлкен. Қолданыста біреудің сеніп тапсырған нәрсесін адал сақтап иесіне қайтару деген түсінік қалыптасқан. Исламда аманат ұғымына мартиалдық зат та, рухани жауапкершілікте кіреді. Жалпы аманатқа материалдық аманат, сөз аманаты, қызметтік адалдық аманат, дін аманаты, дене аманаты болуы мүмкін. Аманатқа қиянат еткенді күнәға балап, екіжүзділіктің белгісі ретінде қаралады. Мұндай жауапкершілігі жоқ қасиетке ислам дұрыс баға бермейді.
Егер аманат заттай болса заңды тіркеп істеуінде айып жоқ. Пайғамбарымыздың (с.а.у.) хадисінде: «Мұнафықтың үш белгісі бар: «Сөйлесе – жалған сөйлейді, уәде берсе – орындамайды және де аманатқа қиянат жасайды», деген.
«Нұр» сүресінің 19-аятында: «Мүміндердің ішіне арсыздықты (күнә істерді) жаюға жаны құштар адамдар бұл дүниеде де, ақыретте де тым ауыр азапқа ұшырайды», делінген.
Демек, арсыздықтан сақтанып, аманат-сенім мен адалдыққа себепші болайық. Аманатты дұрыс сақтау иманның бір көрінісі екен.
Икрам АЙТАЕВ
