2026 жылғы 15 сәуірде Астана қаласында, Астана қаласының Дін істері жөніндегі басқармасы Қазақстан Республикасы Мәдениет және ақпарат министрлігінің Дін істері комитетімен бірлесіп, Қазақстан Республикасы өңірлерінің дін істері жөніндегі басқармаларының басшылары мен оған қарасты ұйымдар директорларына арналған «Қоғам трансформациясы жағдайында діни саланы басқару: тәуекелдер, басқарушылық шешімдер және тиімділік» тақырыбында республикалық семинары ұйымдастырылды.
Іс-шараның мақсаты – қазіргі қоғамдық өзгерістер жағдайында діни саланы басқарудың өзекті мәселелерін талқылау, тиімді басқарушылық тәсілдерді қалыптастыру, сондай-ақ өңірлер арасында тәжірибе алмасу.
Семинар жұмысына Қазақстан Республикасы Мәдениет және ақпарат министрлігінің вице-министрі Әли Рустам Әлиұлы, ҚР МӘМ Дін істері комитетінің өкілдері, Қазақстан Республикасының өңірлеріндегі дін істері жөніндегі басқармалардың басшылары, сондай-ақ ведомствоға қарасты ұйымдардың директорлары қатысты. Барлығы 19 өңірден 60-тан астам адам келді.
Семинар аясында діни саладағы заманауи сын-қатерлер мен тәуекелдер, дін саласындағы мемлекеттік саясат тетіктерін жетілдіру, ақпараттық-түсіндіру жұмыстарының тиімділігін арттыру, ведомствоаралық өзара іс-қимыл мен үйлестіруді дамыту мәселелері қарастырылды.
2026 жылдың Қазақстан Республикасы Президенті Қасым-Жомарт Тоқаевтың Жарлығымен Цифрландыру және жасанды интеллект (ЖИ) жылы болып жариялануына орай, қатысушылардың ерекше қызығушылығын елордалық Дін істері жөніндегі басқарма әзірлеген «TASPA» ақпараттық-талдамалық жүйесінің таныстырылымы тудырды. Аталған жүйе интернет кеңістігіндегі контентті жасанды интеллект технологияларын қолдана отырып мониторингтеу, өңдеу және талдауға арналған заманауи бағдарламалық кешен болып табылады.
Сондай-ақ, діни саясат саласында жұмыс істейтін мамандардың кәсіби құзыреттерін арттыру және басқарушылық шешімдерді жаңа әлеуметтік және цифрлық жағдайларға бейімдеу мәселелеріне ерекше назар аударылды.
Аталған семинар қоғамдық тұрақтылықты қамтамасыз ету, конфессияаралық келісімді нығайту және зайырлы мемлекет қағидаттарын ілгерілету бағытында үздік тәжірибелермен алмасу мен ортақ тәсілдерді қалыптастыруға арналған маңызды диалог алаңына айналды.
