Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының бағдарлық баяндамасы аясында Шымкент қаласы, Абай ауданындағы «Кенесары хан» мешітінде шаһар Бас имамы Бақдәулет Нұрматұлының рухани кездесуі өтті.
Рухани-танымдық басқосуда шаһар бас имамы жамағатқа насихат айтып, қасиетті Рамазан айымен құттықтады. Сонымен қатар, ҚМДБ-ның төрт негізгі бағыт бойынша атқарылып жатқан жұмыстарын кеңінен таныстырып, алдағы жоспарларға тоқталды.
