Сұрақ: Адамда оразадан кейін қандай өзгеріс болуы керек?
Жауап: Ораза – хикметке толы ай. Оразаның қасиеттері жайында сыр шетер болсақ, Алла бұл ғибадатқа молынан қасиет дарытқан. Ораза ұстаған адам жаман қасиеттерден арылып, жақсы қасиеттерге ие болуы керек.
Ораза айы адамды рухани мінездік пен өмірлік тұрғыдан тәрбиелейтін үлкен мекеп екен. Оразадан кейін адамда біраз өзгерістер болуы қажет. Атап айтқанда харамнан сақтанып, адалға ұмтылуға тиіс, сабыр мен өзін-өзі бақылай білуі, жүректің жұмсаруы, өтірік айту, ғайбат сынды жаман әдеттерден арылуға тиіс, оразада ғана емес одан кейінде намаз, дұға сынды құлшылық ғибадаттарын жалғастыруы тиіс, жүрекке шүкіршік пен қанағат сынды ішкі тыныштық сыйлауы керек.
Демек, ораза біткен соң адам бұрынғы қалпына қайта оралмай, жаман әдеттертен арылып, мінезі көркем, жүрегі жұмсақ, иманы күштірек болуы қажет.
Пайғамбарымыз (с.а.у.) хадисінде: «Қиямет күні маған ең жақын болатындарың – мінез-құлқы ең жақсыларың», деген.
Демек, жаман әдеттерден арылып, жақсы қасиеттерге ие болу оразаның талаптарынан екен.
Икрам АЙТАЕВ
