Қарағанды қалалық «Әл-Машани» мешітінің ұйымдастыруымен Vogue мейрамханасында әйел-қыздар жамағаты арасында 29–30-паралар және жарты пара бойынша Құран жарысы өтті.
Рухани маңызы зор шара марқұм Өмішқанқызы Қадиша анамыздың рухына Құран сауабын бағыштау мақсатында ұйымдастырылды. Байқаудың негізгі мақсаты – Құранға деген сүйіспеншілікті арттыру, әйел жамағатының діни білімін шыңдау және жүректерді Алланың сөзімен байланыстыру.
Жарысқа Республикалық Құран жарыстарында әділқазылық етіп жүрген Алматы қаласындағы «Қайрат» мешітінің қари ұстазы Қуатова Арайлым Өмірбекқызы төрелік етті. Қатысушылардың тәжуид ережелерін сақтау, оқу мәнері мен көркем дауыс талаптары қатаң бағаланды.
Құран аяттары оқылған сәтте залды ерекше тыныштық пен терең рухани әсер баурады.
29–30 пара бойынша жеңімпаздар:
І орын – Кеңес Жансая (қасиетті Умра сапары);
ІІ орын – Мамай Ұлдай (400 000 теңге);
ІІІ орын – Жабагина Ботагөз (200 000 теңге, Балқаш қаласы).
Жарты пара номинациясы бойынша:
І орын – Жомартбекова Аружан (200 000 теңге);
ІІ орын – Дарханқызы Айша (100 000 теңге);
ІІІ орын – Абдулқуддусқызы Асма (50 000 теңге).
Барлық қатысушыларға арнайы сертификаттар мен сыйлықтар табысталды. Әсіресе І орын иегеріне берілген қасиетті Умра сапары – Құран жолында еңбек еткен жанға көрсетілген үлкен рухани марапат болды.
Шара барысында Қарағанды облысының бас имамы Естай Айтуғанұлы және «Әл-Машани» мешітінің имамы Мусин Сайлау Жұмағұлұлы Құранның адам өміріндегі орны туралы тағылымды насихат айтып, жамағатқа рухани ой салды.
Ұйымдастырушылар мұндай игі бастамалар алдағы уақытта да жалғасын табатынын атап өтті. Бұл шара әйелдердің рухани тәрбиесін нығайтып, қоғамда Құран құндылықтарын дәріптеуге өз үлесін қоса бермек.
