Сұрақ: Ораза ұстаудың қандай пайдалары бар?
Жауап: Ораза тұту – бес парыздың бірі. Рамазан айы он немесе он бір күн айырмасымен жыл сайын артқа жылжып тұрады. Бұл күндіз ауыз бекітіп, кешке тарауих құлшылықтарымен ерекшеленетін мезгіл.
Ораза ұстаудың адам үшін хикметтері өте көп. Ол ықыласпен, сауапты үміт етіп, Алланың ризашылығына бағытталуы қажет. Ораза ұстаушыларға көптеген сауаптар мен пайдалар бар екендігі хадистерде кең баяндалған.
Атап айтсақ: ораза кісінің тақуалығын арттырады, ораза ұстаушы өз денсаулығын ретке келтіреді, адам нәпсі құмарлықтан арылады, мұсылман сайтанның уасуасасынан арылады, ораза ұстаушының жүрегі тазарады, адамның тұтқан оразасы үшін күнәлары кешіріледі, адам осы ғибадаты үшін періштелерге тән қасиеттермен сипатталады, адам сабырлы, жігерлі кісінің сипатына ие болады, ораза ұстаушыда мейірім, шапағат сипаты қалыптасып күшейеді.
Демек, ораза ұстау арқылы Алланың ризашылығына бөленіп, жаман қасиеттерден арылып, жақсылыққа ұмтылуға мүмкіншілік көп екен.
Икрам АЙТАЕВ
