Сұрақ: Крещениеде мұсылмандардың мұзды суға түсуіне бола ма?
Жауап: Қазақстанда он сегіз конфессия мен жүз отызға жуық этнос өкілдері бейбіт қатар өмір сүреді. Елімізде тіркелген діни конфессиялардың өзіндік діни рәсімдері мен жоралғылары бар. Оларға өздерінің діни сеніміндегі түрлі ұлт өкілдерінің азаматтары қатысатыны белгілі.
Сондай рәсімнің бірі – қаңтар айында христиандар мұздай суға түседі. Дәстүрлі Исламды ұстанушы мұсылман адам сол күнді қасиет санап суға түсуі – құпталмаған іс. Денсаулық үшін десе, басқа күндері түсуіне болады.
«Өз дініңе берік бол, өзге дінді құрмет тұт» деген сөзді сақтап, өз дәстүрлі дінімізді ұстанып, өзгенің рәсіміне, сеніміне құрметпен қарау – әр азаматтың міндеті.
Икрам АЙТАЕВ
