Әзербайжан президенті бұл ұсынысты бұрын да айтқанын, қазір де ол өз күшінде екенін мәлімдеді.
– Біз Түркиямен ресми түрде одақтаспыз, соның ішінде әскери және өзара әскери көмек саласында да біргеміз. Енді түркі әлемінің басқа мемлекеттері де осы бағытта ынтымақтастықты бастаса дұрыс болар еді.
Мен бұл ұсынысым арқылы қандай да бір әскери ұйым құруға шақырып отырған жоқпын. Кейбіреулер менің сөзімді осылай деп бұрмалап жүр. Жоқ, бұл мүлдем негізсіз.
Біз, түркі елдері, қазіргі күні энергетика, көлік, сауда, инвестициялар, т.б. көптеген салада қоян-қолтық араласып келеміз. Енді әскери салада да бір-бірімізге қол ұшын созуға не кедергі? Бүгінгі таңда бұл сала көптеген елдер үшін басты орында тұрғаны мәлім.
Сондықтан менің ұсынысым әлі де өз күшінде. Қазір бұл үндеуімізді түрлі дипломатиялық арналар арқылы жеткізіп келеміз. Егер бәріміз бір шешімге келер болсақ, биыл алғашқы әскери оқу-жаттығу өтпек. Егер ол өтпей қалса: «Кім қолдамады?» деп сұрауға тура келеді. Дегенмен, Түркі мемлекеттері ұйымының барлық мүшесі қолдайды деп сенемін, – деді ол.
Әлиевтің ұсынысы қалай? Қолдауға тұра ма?
