Сұрақ: Игі істердің сауабы қандай?
Жауап: Дәстүрлі Исламда әрбір жақсы ниетпен жасалған игі амалда сауаптар мен жақсылықтар көп екендігі айтылған. Адам шынай ниетпен мұқтаждарға көмектесуі, біреуге жақсы сөз айтуы, адал еңбек етуі, ата-анаға, туыстарына құрмет көрсетуі, қайырымдылық жасауы т.б. – жақсы амалдар санатынан.
Ал, жақсылық жасауға шамасы келетіндер сараң болса, мұқтаждарға көмек қолын созбаса, қоғам рухани әлсірейді. Адам шамасы келсе, Алладан жақсылықты үміт етіп, игі іс істесе, Алла кәсібіне береке беріп, дерттері болса, шипа табуы әбден мүмкін.
Адам жақсылыққа жақсылық етіп жететінін білуі керек. Игі істе Алланың берер сауабы мен жақсылығы мол екендігі ақиқат. Пайғамбарымыз (с.а.у.) хадисінде: «Кімде-кім игі істі бастап өзгеге үлгі болса, өзінен кейін сол істі істегеннің саубындай сауап алады» деген.
Игі амалдармен Алланың ризашылығына бөлене берейік.
Икрам АЙТАЕВ
