Сұрақ: Псевдосәлафилер неге дәстүрді жоққа шығарады?
Жауап: Дәстүрлі Ислам қазақ халқының рухани өмірінен жол тапқан. Ғасырлар бойы дін мен салт-дәстүр сабақтасып келген. Ғалымдар арасында ұлттық дәстүрі Исламға қайшы деген мәселе жоқ. Діни фундаменталистік сипаттағы жат діни ағымдар халықтың рухани өмірінен жол табу үшін, салт-дәстүр негізінде қалыптасқан иммунитетті жоюға әрекет етіп жүргені белгілі.
Адамның бойынан салт-дәстүрге деген танымы жойылса, оның орнын жат діни идеологиялар толтырады. Жат діни ағымдарға бейім азаматтардан келеңсіз жағдайлардың бәрін күтуге болады. Жат діни ағымдардың уәжі Құран мен сүннетті негізге алып салт-дәстүр, мәдениет, тарих сынды дүниелерді шариғатқа сай келмейді деп, харам, ширк, бидғат сөздерімен өздеріне баулиды. Сонымен жұмақты уәде еткен діни ағым уағызшыларының сөздеріне иланып ақиқат деп қабылдайды. Мұндай көзқараста жүрген азаматтар радикалды іс-әрекеттерге бейімділігі артады.
Қазақстанда ханафи мәзһабы мен мәтуриди сенім мектебі жергілікті мәдениетпен үйлесіп халықтың діни рухани өмірінен орын тапқан. Сондай-ақ, ҚМДБ ұсынған дұрыс дереккөздер мен исламтанушы ғалымдардарың еңбектеріне жүгінгеніміз абзал.
Икрам АЙТАЕВ
