Сұрақ: Кей мешіттерде неге жалаңаяқ намаз оқуға рұқсат бермейді?
Жауап: Елімізде мешіттер өз деңгейінде жұмыстарын атқарып жатыр. Қалаған адам құлшылық амалдарын орындауына болады. Мешіттер қажеттілікке орай тазалық пен тәртіпті сақтау мақсатында ішкі тәртіптерді ұсынады. Барлық ішкі тәртіп діни талаптан бола бермейді.
Кейбір ішкі тәртіп тазалық пен гигиеналық тұрғыдан болуы мүмкін. Атап айтқанда, көпшілік кіріп-шығатын үлкен мешіттерде еденге аяқтан шаң, кір түсуі мүмкін, жалаңаяқпен кірген адамда аяқ терісі, иісі, аурулары жұғу қаупі болуы мүмкін, кілемге жағымсыз иіс тез сіңеді, мұндай жағдайлар сәждедегі адамға кері әсерін тигізеді. Сол себепті мешіттер «таза шұлықпен кіру» тәртібін енгізеді.
Пайғамбарымыз (с.а.у.) хадисінде: «Тазалықтың өзі – иманнан» деген. Демек, мешіттің ұсынған талаптарына құрметпен қарау маңызды. Себебі, құлшылық амалдары дұрыс болуы үшін тәртіп пен тазалық қажет.
Икрам АЙТАЕВ
