Сұрақ: Мүмін және мұсылман пендеге парыз болып табылатын ең ұлық амалдар нешеу?
Жауап: Бесеу.
Сұрақ: Біріншісі қандай амал?
Жауап: Иман, яғни Алла Тағаланың бар екеніне, Оның әрбір сипатына, дін Исламдағы әрбір үкімнің хақ екендігіне сену.
Сұрақ: Екіншісі қандай амал?
Жауап: Әр күні бес уақыт намаз оқу.
Сұрақ: Үшіншісі қандай амал?
Жауап: Ораза, яғни Рамазан айында әр күні ауыз бекіту.
Сұрақ: Төртіншісі қандай амал?
Жауап: Зекет, яғни жыл сайын бір мәрте мал-мүлкінен кедейлерге тиісті хақыларын беру.
Сұрақ: Бесіншісі қандай амал?
Жауап: Қажылық, яғни жағдайы жететін адамның өмірінде бір мәрте Мекке Мукаррамаға барып, қажылық амалдарын өтеуі.
«Ислам ғибадаты» кітабынан
