Астана қаласында теологиялық жұмыстарға бағытталған семинар аясында Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы баяндама жасады.
«Президентіміз Қасым-Жомарт Кемелұлы: «Елдің бірлігі мен ынтымағын сақтау – негізгі міндетіміздің бірі. Бұл баршамыз жұмылып атқаратын жұмыс болуы керек. Осы істе Қазақстан мұсылмандары діни басқармасы айрықша рөл атқарады. Мүфтият қоғамдағы тұрақтылық пен татулықты нығайтуға зор үлес қосып келеді», – деп, мүфтияттың жұмысына жоғары баға берген болатын.
Бұл ретте жат діни ағыммен күресудің өзекті екенін көреміз. Расында Қазақстан мұсылмандары діни басқармасы алғаш құрылған сәттен бастап түрлі деструктивті ағымдарға байланысты жүйелі жұмыс істеп келеді. Алдымызға қойылған негізгі мақсат – деструктивті ағым идеологиясына тойтарыс беру және түзу жолдан тайған бауырларымызды дәстүрлі дін түсінігіне қайтару», – деді Бас мүфти Наурызбай қажы Тағанұлы.
Сондай-ақ, семинар аясында ҚМДБ Діни оңалту бөлімінің маманы Ислам Маратұлының қазақ және орыс тілдерінде «Muftyat» баспасынан жарық көрген «Таухид-бір бүтін сенім» кітабының танытымы өтті.
