Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының бұйрығымен Жамбыл облысындағы «Һибатулла Тарази» медресе-колледжінің директоры болып Ақжігіт Жарбол Болатұлы тағайындалды.
Ол бұған дейін Қазақстан мұсылмандары діни басқармасының орталық аппаратында абыройлы қызмет атқарып, тәжірибе жинақтаған.
Жаңа басшыны ұжымға ҚМДБ Діни білім және кадр даярлау бөлімінің меңгерушісі Хасан Аманқұл ресми таныстырып, алдағы жұмысына табыс тіледі. Сондай-ақ, Жамбыл облысының Бас имамы Асқар Зәкіржанұлы жаңа медресе директорына сәттілік тілеп, медресенің өңірдегі діни білім беру ісіндегі маңызын атап өтті.
Ақжігіт Жарбол Болатұлы
Білімі:
2013-2016 ж.ж. Тараз қаласы, Һибатулла Тарази медресе колледжі, мамандығы: Имам хатиб (үздік);
2016-2020 ж.ж. Стамбул қаласы, Әбу Ханифа атындағы араб тілі және шариғат институты, мамандығы: Исламтану (үздік);
2020-2023 ж.ж. Көкшетау қаласы, Ш.Уалиханов атындағы мемлекеттік университеті, мамандығы: Тарих және дінтану.
Жұмыс тәжірибесі:
2020-2023 ж.ж. Тараз қаласы, Һибатулла Тарази медересе-колледжінің арнайы пәндер ұстазы;
2021-2023 ж.ж. Тараз қаласы, Һибатулла Тарази облыстық орталық мешітінің ұстазы;
2023 жылдан бастап ҚМДБ Діни оңалту бөлімінің маманы қызметін атқарған
