Сұрақ: Жын адамның ішіне кіре ме?
Жауап: «Жын» сөзі – жасырынған, көзге көрінбейін жаратылыс деген мағына береді. Олар – сезім мүшелерімен байқауға келмейтін рухани әлем иелері. Сондықтан олардың болмысын нақты бейнелеп түсіндіруге келмейді.
Жын жайлы мәліметтер аяттар мен хадистерде келген. Дию, пері деген сөздер «Жын» сөзімен бір мағынада қолданылады. Діни ақпараттарда жындар күн батқанда жер бетіне таралатыны айтылған. Сондай-ақ, ер, әйел және мұсылман жындармен қатар кәпір жындар болатыны баяндалған. Олар көбіне шөл дала, ауада ұшып жүреді, адам сияқты ішіп, жейді, ұрпақ сүйеді.
Кәпір жындар лас, нәжістермен қоректенеді. Жындар түрлі бейнеге ене алуымен қатар, алыс қашықтықтарды қас-қағым сәтте бағындыра алады.
Дін ғалымдарының тұжырымы бойынша, жын кез келген адамға жақындауы, ішіне кіруі мүмкін. Кейбір ғалымдар кірмейді деген ұғымда.
Бірақ қалай болғанда да қорқынышқа берілмей, тазалыққа мән беріп, білетін дұғаларды айтып жүру – қайырлы іс.
Икрам АЙТАЕВ
