Сұрақ: Орамал таққан қыз қандай болуы керек?
Жауап: Ислам еркек пен әйелдің әурет жерлерін белгілеп, оны сақтауға бұйырған. Шариғат шәлісі – мұсылман әйелдің ұяттығын, тақуалығын білдіретін киім. Орамал сыртқы ғана емес, ішкі де тазалықтың белгісі болуы керек. Ал орамал тағып жүріп әдепсіз және жағымсыз іс-әрекет жасау – ислам танымына сай келмейді.
Бұл тек адамның өз абыройына ғана емес, діннің абыройына да нұқсан келтіреді. Қоғамда киімі дұрыс сияқты болғанымен, ісі бұрыс болатын жағдайлар кездесіп қалады. Жаман сөз айту, өсек айту, әдепсіз әрекетке бару – мұндай әрекеттер қоғамда дінге деген сенімсіздік туындатып, мұсылмандар жайлы жаман пікір қалыптастырады.
Орамал – ұлттық киім ғана емес, мінездің де көрсеткіші болу керек. Жағымсыз іс-әрекеттерге ниеті бұрыс болғандар, орамалдың маңызын түсінбегендер, нәпсіге ерік бергендер барады. Сондықтан сыртқы көрініспен бірге жүрек пен әрекетті де түзету шынайылық белгісі.
Икрам АЙТАЕВ
