Мәдениет және ақпарат вице-министрі Айбек Сыдықов Қызылорда облысына жұмыс сапарымен барды.
Сапар аясында тұрғындармен кездесу өткізді. Кездесу барысында өзекті мәселелер көтеріліп, шешу жолдары да талқыланды. Сонымен қатар азаматтарды жеке қабылдау ұйымдастырылып, кез келген тұрғын өз сауалын тікелей қою мүмкіндігіне ие болды.
Вице-министр аймақтағы мәдениет саласын дамыту мәселелеріне ерекше назар аударды. Осы мақсатта бірқатар мәдени нысандарға, соның ішінде «Анаға тағзым» мемориалдық кешеніне, облыстық өлкетану музейіне, сондай-ақ аудандық деңгейдегі «Руханият орталығы» секілді мәдени мекемелеріне барды.
Мәдениет нысандарын аралау барысында өңірде инфрақұрылыммен қамтамасыз ету деңгейі жоғары екені атап өтілді.
Вице-министр мәдени мұраны сақтау мен дәріптеу бағытында жасалған жағдайларға оң баға беріп, сала қызметкерлеріне атқарған жұмыстары үшін алғыс айтты.
Мәдениет және ақпарат министрлігінің баспасөз қызметі
