Сұрақ: Интернеттегі тыйым салынған діни ұйымдардың материалдарын көру қылмыс па?
Жауап: Қазақстан Республикасы аумағында тыйым салынған экстремистік, террористік, окульттік діни ұйымдардың саны жиырма екі. «Мұсылман бауырлар», «Хизбут-Тахрир», «Таблиғи жамағат», «Ат-такфир уаль-хиджра», «Ислам мемлекеті» т.б. сынды ұйымдар.
Интернет кеңістіктерінде тыйым салынған ұйымдардың уағызшылары, діни әдебиеттері, жалаулары, т.б. діни белгілері бар материалдар кездеседі. Олардың материалдарын әлеуметтік желілерде бөлісу немесе екінші бір адамға жіберу үшін жауапкершілік қаралған. Егер сіздің жариялаған немесе қолдаған діни материалдарыңыздың құрамында тыйым салынған ұйымдарға тән дүниелер болса, Қылмыстық кодекстің 405-бабы бойынша жауапкершілікке тартуы мүмкін.
Аталған баптың 1-тарауында «Қоғамдық немесе дiни бiрлестiкке не өзге де ұйымға қатысты олардың экстремизмдi немесе терроризмді жүзеге асыруына байланысты қызметiне тыйым салу немесе тарату туралы заңды күшiне енген сот шешiмi бола тұра, олардың қызметiн ұйымдастыру».
Діни ақпараттарды алу мәселесінде сенімді дереккөздерге жүгінгеніміз абзал.
Икрам АЙТАЕВ
