Сұрақ: Намаздағы сүннеттің бекітілген түрлері қандай?
Жауап: Ислам дінінде сүннет амалдарының өзіндік хикметтері мен орны бар. Сүннет амалдарының дәрежесі жайлы көптеген хадистерде баяндалған. Оларды орындасаң, мол сауап бар.
Сүннет амалдары парыз, уәжіптерден бөлек орындалады. Олар – Пайғамбарымыз (с.а.у.) жасаған, жасаңдар деп кеңес берген, жасалуына ризалығын білдірген іс-әрекеттер. Сол әрекеттерің орындалуына қарай муаккад сүннет (бекітілген сүннет), ғайру муаккад сүннет (бекітілмеген сүннет) деп бөлінеді.
Бекітілген сүннет – пайғамбарымыздың (с.а.у.) әрдайым жасап, бірде жасамаған құлшылық амалдары. Олар таң, бесін, ақшам, т.б. намаздардың сүннеттері. Аталған сүннет амалдарын іске асырған адам сауап алады. Орындамаған адамға жаза берілмесе де, айыпталады.
Бекітілмеген сүннет – пайғамбарымыз (с.а.у.) кейде жасап, кейде жасамаған амалдары. Намаздыгер, құптан намазының алғашқы сүннеттері сияқты. Бұл түрдегі сүннетін орындаған адам сауап алады. Орындамаған адамға күнә жоқ.
Сүннет амалдарын орындап сауапқа бөлене беріңіз.
Икрам АЙТАЕВ
