Сұрақ: Екі рәкағат мешіт ақысы деген қандай намаз?
Жауап: Парыз және сүннет намаздарынан бөлек орындалатын нәпіл намаздар бар. Мешітке кіргенде оқылатын екі рәкағат нәпіл намазы «Тахиятул-мәсжид» сәлем беру намазы деп аталады. Бұл Исламда құпталған нәпіл намаз түрі. Оқымаған адам күнәға батпайды.
Бұл намазды мешітке кірген сәтте оқып алған абзал. Сәлем намазын бір мешітте бір күнде бір рет оқыса жеткілікті. Күн батарда бұл намаз түрі оқылмайды.
Бесін, асыр (намаздыгер), құптан намаздарынан бұрын мешітке кіргенде отырмай екі ракағат мешіт ақысын оқып алады. Жұма хұтпасы кезінде немесе жамағат парыз намазын бастап кеткенде оқылмайды.
Пайғамбарымыз (с.а.у.) хадисінде: «Сендердің біреулерің мешітке кірсе, отырмастан бұрын екі рәкағат намаз оқысын» деген.
Икрам АЙТАЕВ
