Сұрақ: Қандай амалдар оразаны бұзбайды?
Жауап: Кейде адамдар оразада байқаусызда бір амал істеп қойып, оразам бұзылды деп күдіктеніп, ашып жіберіп жатады. Осыған орай оразаны бұзатын және бұзбайтын амалдарды біліп жүру артық емес.
Оразаны бұзбайтын амалдар:
– ұмытып ішіп-жеп қойса, есіне түскен кезде дереу тоқтауы керек;
– ұйқыдан оянғанда жүніп халде болса, ғұсыл алуы қажет;
– қажеттілік жағдайда жуыну;
– құлаққа су кіру, бұлық ағу;
– тамаққа кетіп қалмайтындай ауыз бен мұрынға су алып шайқау;
– көзге, құлаққа дәрі тамызу мен көзге сүрме жағу;
– еріксіз құсу;
– гүл, әтір сынды жақсы иістер;
– тістердің арасындағы қалған қалдықтар немес мұрындағы бір нәрсе байқаусызда ішке кетіп қалса;
– түтін, шаң, топырақ, ұнның тозаңы;
– қар мен жауынның тамшылары еріксіз кірсе;
– сүлік салдыру, қан алдыру;
– қажеттілікке орай хиджама жасау;
– кішкентай балдарды сүю;
– сілекей жұту;
– мисуак қолдану;
Рамазан – Алланың ерекше ризашылығына бөленетін ай. Бұл айдың ерекшелігі – ораза ұстаған адам мол сауапқа бөленеді. Оразаның шынайылығы ниет пен ықыласта болуы қажет. Басқа ниетте болса сауап болмайды. Пайғамбармыздың (с.а.у.) хадисінде: «Кімде-кім Рамазан оразасын иманмен, сауап үмітімен тұтса, оның өткен күнәлары кешіріледі» деген.
Икрам АЙТАЕВ
